WWW 5abi.com  ਪੰਨਿਆ ਵਿੱਚ ਸ਼ਬਦ ਭਾਲ

5_cccccc1.gif (41 bytes)

       ਪੰਜਾਬੀ ਕਵਿਤਾ

ਹੋਰ ਪੰਜਾਬੀ ਕਵੀ >>

>> 1 2 3 4 5 6 7             hore-arrow1gif.gif (1195 bytes)

ਰਿਤੂ ਵਾਸੂਦੇਵ
ਭਾਰਤ
 

ਭਟਕਦੇ ਖ਼ਯਾਲ
ਰਿਤੂ ਵਾਸੂਦੇਵ, ਭਾਰਤ

ਖੂਬਸੂਰਤ ਪੱਥਰਾਂ ਦੇ ਸ਼ਹਿਰ ਵਿਚ
ਭਟਕਦੇ ਖ਼ਯਾਲ ਮੇਰੇ ਦਰ-ਬ-ਦਰ
ਕੀ ਪਤਾ ਕਿਹੜੇ ਸਖ਼ਸ਼ ਦੀ ਭਾਲ਼ ਹੈ?
ਉੱਗੀਆਂ ਨੇ ਸੂਲਾਂ ਮੇਰੀ ਹਰ ਡਗਰ -

ਲੰਘਦੇ ਸਾਲਾਂ, ਮਹੀਨੇ, ਪਲ, ਘੜੀ
ਟੁੱਟਦੀ ਜਾਵੇ ਉਮਰ ਵਾਲੀ ਕੜੀ
ਕੋਲ਼ੇ ਆਪਣੀ ਬੁੱਕਲ਼ ਵਿਚ ਸਮੇਟ ਕੇ
ਮੇਰੇ ਸਵਾਗਤ ਦੇ ਲਈ ਹੋਣੀ ਖੜ੍ਹੀ -

ਮੇਰੀ ਨਜ਼ਰ ਦੀ ਲੱਗਦਾ ਹੈ ਬਣ ਗਈ
ਮੌਤ ਦਾ ਰਾਹ ਵੇਖਣਾ ਫਿਤਰਤ ਜਹੀ
ਕਬਰ ਵਾਲੀ ਗੂੜ੍ਹੀ ਮਿੱਠੀ ਨੀਂਦ ਲਈ
ਕਰਵਟਾਂ ਵਿਚ ਬੀਤ ਰਹੀ ਹੈ ਜਿੰਦਗੀ -

ਆਦਮੀ ਦੇ ਰੂਪ ਵਿਚ ਹੈਵਾਨੀਅਤ
ਆਦਮੀ ਚੋਂ ਲੱਭਦਾ ਨਾ ਆਦਮੀ
ਹੁ-ਬ-ਹੂ ਤੇਰੇ ਹੀ ਵਰਗਾ ਆਦਮੀ
ਭਾਲ਼ਦੀ ਹਾਂ ਹਰ ਸਖ਼ਸ਼ ਚੋਂ ਰੋਜ ਹੀ -
02/08/17

 

ਕਵਿਤਾ
ਰਿਤੂ ਵਾਸੂਦੇਵ, ਭਾਰਤ

ਕਾਮਿਆਂ ਵਿਚ ਬੈਠ
ਇਕ ਦਿਨ ਉਸ ਖੁਦਾ ਨੂੰ
ਪੀੜਾਂ ਭਰਿਆ ਖ਼ਤ ਲਿਖਾਂਗੀ

ਖ਼ਤ ਲਿਖਾਂਗੀ,, ,, ,,
ਪਿੰਜਰ ਹੋਈਆਂ ਸੂਰਤਾਂ ਲਈ
ਗੁਰਬਤ ਦੀਆਂ ਜਰੂਰਤਾਂ ਲਈ
ਸੱਥਰ ਹੰਢਾ ਕੇ
ਪੱਥਰ ਹੋਈਆਂ ਮੂਰਤਾਂ ਲਈ
ਖ਼ਤ ਲਿਖਾਂਗੀ -

ਖ਼ਤ ਲਿਖਾਂਗੀ,, ,, ,,
ਰੋੜੀ ਕੁੱਟਦੀਆਂ ਬਾਜੀਆਂ ਲਈ
ਜਖਮੀ ਰੂਹਾਂ ਤਾਜੀਆਂ ਲਈ
ਮਜਲੂਮਾਂ ਤੇ ਫਤਵਾ ਜਾਰੀ
ਕਰਨ ਵਾਲੇ ਕਾਜੀਆਂ ਲਈ
ਖ਼ਤ ਲਿਖਾਂਗੀ -

ਖ਼ਤ ਲਿਖਾਂਗੀ,, ,, ,,
ਧੁੱਪਾਂ ਦੇ ਵਿਚ ਸੜਦੀਆਂ ਲਈ
ਨੰਗੇ ਪੈਰੀਂ ਠਰਦੀਆਂ ਲਈ
ਦੋ ਵਖਤ ਦੀ ਰੋਟੀ ਬਦਲੇ
ਬਲੀ ਦਾਜ ਦੀ ਚੜ੍ਹਦੀਆਂ ਲਈ
ਖ਼ਤ ਲਿਖਾਂਗੀ -

ਖ਼ਤ ਲਿਖਾਂਗੀ,, ,, ,,
ਖ਼ਤ ਦੇ ਅੰਦਰ ਮੈਂ ਲਿਖਾਂਗੀ
ਸਿਰਫ਼ ਰੋਟੀ
ਸਿਰਫ਼ ਰੋਟੀ
ਸਿਰਫ਼ ਰੋਟੀ
21/07/17
 

ਰਿਤੂ ਵਾਸੂਦੇਵ, ਭਾਰਤ
rituvasudev12@gmail.com

21/07/2017


5_cccccc1.gif (41 bytes)

>> 1 2 3 4 5 6 7             hore-arrow1gif.gif (1195 bytes)

Terms and Conditions
Privacy Policy
© 1999-2017, 5abi.com

www.5abi.com
[ ਸਾਡਾ ਮਨੋਰਥ ][ ਈਮੇਲ ][ ਹੋਰ ਸੰਪਰਕ ][ ਅਨੰਦ ਕਰਮਨ ][ ਮਾਨਵ ਚੇਤਨਾ ]
[ ਵਿਗਿਆਨ ][ ਕਲਾ/ਕਲਾਕਾਰ ][ ਫਿਲਮਾਂ ][ ਖੇਡਾਂ ][ ਪੁਸਤਕਾਂ ][ ਇਤਿਹਾਸ ][ ਜਾਣਕਾਰੀ ]

darya1.gif (3186 bytes)
©1999-2017, 5abi.com