ਪ੍ਰਾਹੁਣਾ
- ਕਰਨੈਲ ਸਿਂਘ ਗਿਆਨੀ – ਫ਼ਿਲਾਡੈਲਫ਼ੀਆ

ਸਾਡੇ ਅੱਜ ਪ੍ਰਾਹੁਣਾ ਆਇਆ,
ਰੱਜ ਰੱਜ ਖੁਸ਼ੀਆਂ ਨਾਲ ਲਿਆਇਆ ।

ਚੂਰੀ ਕੁੱਟ ਕੁੱਟ ਪਾਈ ਕਾਵਾਂ,
ਵਾਟਾਂ ਤੱਕ ਤੱਕ ਥੱਕੀਆਂ ਬਾਹਵਾਂ,
ਮਸਾਂ ਕਟਾ ਕੇ ਆਇਆ ਨਾਵਾਂ ।

ਆਇਆ ਟੁਰ ਕੇ ਜਿਹਡ਼ੀਆਂ ਰਾਹਵਾਂ,
ਉਹਨਾਂ ਤੋਂ ਮੈਂ ਸਦਕੇ ਜਾਵਾਂ ।

ਫੁੱਲੀ ਫਿਰਾਂ ਮੈਂ ਉਸਦੇ ਚਾਵਾਂ,
ਸੌਚਾਂ ਉਸ ਨੂੰ ਕਿੱਥੇ ਬ੍ਹਾਵਾਂ ।

ਦਿਲ ਅਪਣੇ ਦਾ ਕਰਾਂ ਵਿਛੌਣਾ,
ਖਵਰੇ ਉਸਦੇ ਮਨ ਕੀ ਭਾਉਣਾ,
ਖਵਰੇ ਕਿੰਨਾਂ ਪਿਆਰ ਜਤੌਣਾ,
ਖਵਰੇ ਕਿੰਨਾਂ ਹੋਰ ਸਤਾਉਣਾ,
ਨੀਂ ਉਹ ਨਖਰੇ ਦਾਰ ਪ੍ਰਾਹੁਣਾ।