“ਵੜਾ ਪਿਆਰਾ ਲੱਗਦਾ ਏ”
- ਮਸਤਾਨ ਸਿੰਘ ਧਾਲੀਵਾਲ (ਟੋਰਾਂਟੌ, ਕੈਨੇਡਾ)

ਇਹ ਗੋਰਾ  ਗੋਰਾ ਮੁਖੜਾ  ਤੇਰਾ,  ਵੜਾ   ਪਿਆਰਾ  ਲੱਗਦਾ  ਏ ,
ਤੇਰੇ  ਮੂਹਰੇ ਅੱਜ਼  ਪੁਨਿਆਂ  ਦਾ,  ਚੰਨ ਵੀ  ਵਿਚਾਰਾ ਲੱਗਦਾ ਏ ।

ਗੋਰੀ   ਗੱਲ੍ਹ   ਦੇ  ਉਤੇ   ਤੇਰੇ,  ਇਹ ਜੋ  ਕਾਲਾ ਤਿਲ  ਅੜੀਏ ,
ਫੁਲ   ਗੁਲਾਬ਼ੀ   ਉਤੇ   ਬੈਠਾ,  ਕੋਈ  ਭੌਰ ਅਵਾਰਾ ਲੱਗਦਾ ਏ ।

ਨੀਲਾ  ਅੰਬਰ   ਜਾਪੇ   ਤੇਰੀ,   ਚੁਨੀਂ   ਸਿਤਾਰਿਆਂ   ਵਾਲੀ  ਨੀਂ ,
ਨੱਕ ਤੇਰੇ ਦਾ  ਲੌਂਗ ਲਿਸ਼ਕਦਾ,  ਕੋਈ  ਧਰੂੰ  ਤਾਰਾ  ਲੱਗਦਾ  ਏ । 

ਦਿਲ ਸਾਡੇ ਵਿਚ  ਧੱਸਦੀ ਜਾਵੇ, ਇਹ  ਤੇਰੀ  ਨਜ਼ਰ  ਕਟਾਰੀ  ਨੀਂ ,
ਕੱਢਕੇ ਰਹੂ ਇਹ ਜ਼ਾਨ ਅਸਾਡੀ, ਤੇਰੀ ਅੱਖਦਾ ਇਸ਼ਾਰਾ ਲੱਗਦਾ ਏ ।

ਸੁਰਖ  ਗੁਲਾਬ਼ੀ  ਬੁਲ੍ਹੀਆਂ ਵਿਚ, ਇਹ ਚੱਮਕਦੇ  ਮੋਤੀ  ਦੰਦਾਂ  ਦੇ ,
ਝਿਲਮਿਲ ਝਿਲਮਿਲ ਕਰਦਾ ਕੋਈ,  ਅਜ਼ਬ  ਨਜ਼ਾਰਾ  ਲੱਗਦਾ  ਏ ।

ਹੁਸਨ  ਤੇਰੇ ਦਾ  ਵੇਖ਼ਕੇ  ਜ਼ਲਵਾ,  ਹੋਇਆ  ਫਿਰੇ  ਦੀਵਾਨਾਂ  ਨੀਂ ,
“ਧਾਲੀਵਾਲ ਮਸਤਾਨਾ” ਵੀ ਕਿਸੇ, ਹਿਜ਼ਰ ਦਾ ਮਾਰਾ  ਲੱਗਦਾ  ਏ ।