ਗ਼ਮ
- ਸਾਥੀ ਲੁਧਿਆਣਵੀ ਲੰਡਨ

ਜ਼ਿੰਦਗੀ ਦੇ ਵਿਚ ਗ਼ਮ ਹੀ ਗ਼ਮ ਹੈ ।
ਗ਼ਮ ਹੈ ਜਦ ਤਕ ਜਿਸਮ ‘ਚ ਦਮ ਹੈ ।

=ਗ਼ਮ ਹੈ ਨਾਗ਼-ਨਿਵਾਸੀਂ ਰਹਿਣਾ,
ਗ਼ਮ ਇਕ ਬੜਾ ਭਿਅੰਕਰ ਜਮ ਹੈ ।

=ਗ਼ਮ ਸੂਲ਼ਾਂ ਦੀ ਸੇਜ ਦੇ ਤੁੱਲ ਹੈ,
ਗ਼ਮ ਤਾਂ ਅੱਗ ਦਾ ਤਪਦਾ ਥੰਮ ਹੈ ।

 =ਜੋ ਘੁਣ ਹੱਡਾਂ ਨੂੰ ਖਾ ਜਾਵੇ,
ਉਸ ਦਾ ਦੂਜਾ ਨਾਮ ਹੀ ਗ਼ਮ ਹੈ ।

=ਜ਼ਿੰਦਗੀ ਦੇ ਵਿਚ ਦੁੱਖ਼ ਬਥੇਰੇ,
ਜ਼ਿੰਦਗੀ ਵਿਚ ਪ੍ਰਸੰਨਤਾ ਕਮ ਹੈ ।

=ਹਾਸੇ ਹੱਸੀਏ ਫ਼ੋਕੇ ਫ਼ੋਕੇ,
ਅੱਖ਼ਾਂ ਦੇ ਵਿਚ ਹਰਦਮ ਨਮ ਹੈ ।

 =ਕਹਿੰਦੇ ਜਿਸ ਦੇ ਪਾਸ ਨਾ ਗ਼ਮ ਹੈ,
ਉਸ ਦੇ ਕੋਲ਼ ਤਾਂ ਚੰਮ ਹੀ ਚੰਮ ਹੈ ।

“ਸਾਥੀ” ਨੂੰ ਇਸ ਗੱਲ ਦਾ ਗ਼ਮ ਹੈ,
ਦੁਨੀਆਂ ਵਿਚ ਕਿਉਂ ਏਨਾ ਗ਼ਮ ਹੈ ।