|
ਇਸ ਨੂੰ ਇਕ ਤਮਾਸ਼ਾ ਹੀ ਕਿਹਾ
ਜਾਣਾ ਚਾਹੀਦਾ ਹੈ ਕਿ ਅਮਰੀਕਾ ਵਲੋਂ ਕੌਮਾਂਤਰੀ ਅਮਨ ਦਾ ਨਾਅਰਾ ਲਾਇਆ ਜਾ ਰਿਹਾ
ਹੈ,
ਪਰ ਖੁਦ ਅਜਿਹੇ ਕੰਮ ਕੀਤੇ
ਜਾ ਰਹੇ ਹਨ ਜਿਨ੍ਹਾਂ ਦਾ ਸਿੱਧਾ ਸਿੱਟਾ ਜਗ੍ਹਾ-ਜਗ੍ਹਾ ਹਿੰਸਾ ਫੈਲਾਉਣਾ ਹੈ।
ਕਿਉਂਕਿ ਜਾਰਜ ਡਬਲਿਊ ਬੁਸ਼
ਮੁੜ ਚੋਣ ਜਿੱਤ ਗਏ ਹਨ,
ਇਸ ਲਈ ਉਨ੍ਹਾਂ ਨੇ ਇਰਾਕ
ਵਿਚ ਜੋ ਕੁਝ ਕੀਤਾ ਹੈ,
ਉਸ ਉਤੇ ਲੋਕ ਰਾਇ ਦੀ ਮੋਹਰ
ਲੱਗ ਗਈ ਹੈ।
ਇਸ ਲਈ ਹੁਣ ਅਮਰੀਕਾ
ਨੂੰ ਇਰਾਕ ਤੋਂ ਬਾਅਦ ਇਰਾਨ ਨੂੰ ਨਿਸ਼ਾਨਾ ਬਣਾਉਣ ਦਾ ਰਾਹ ਸੌਖਾ ਹੋ ਗਿਆ ਹੈ।
ਇਸ ਕਰਕੇ ਹੁਣ ਇਰਾਨ
’ਤੇ
ਪ੍ਰਮਾਣੂ ਹਥਿਆਰ ਬਣਾਉਣ ਦਾ ਇਲਜ਼ਾਮ ਲੱਗਣਾ ਸ਼ੁਰੂ ਹੋ ਗਿਆ ਹੈ।
ਅਮਰੀਕਾ ਦੀ ਇਹ
ਕੋਸ਼ਿਸ਼ ਹੈ ਕਿ ਇਰਾਨ ਆਪਣਾ ਐਟਮੀ ਕੰਮ ਪੂਰੀ ਤਰ੍ਹਾਂ ਬੰਦ ਕਰ ਦੇਵੇ।
ਇਰਾਨ ਭਾਵੇਂ ਇਹ
ਮੰਨਣ ਲਈ ਤਿਆਰ ਹੀ ਹੋਵੇਗਾ,
ਪਰ ਅਮਰੀਕਾ ਨੇ ਤਾਂ ਇਸ
ਇਸਲਾਮੀ ਮੁਲਕ ’ਤੇ
ਪਾਬੰਦੀਆਂ ਲਾਉਣ ਲਈ ਯੂ.ਐਨ.ਓ. ਵਿਚ ਕੋਸ਼ਿਸ਼ਾਂ ਜਾਰੀ ਕਰ ਦਿੱਤੀਆਂ ਹਨ।
ਇਰਾਨ ਨੇ ਫ਼ੁਰਤੀ ਦਿਖਾਈ ਹੈ।
ਉਸ ਨੇ ਐਲਾਨ ਕਰ
ਦਿੱਤਾ ਹੈ ਕਿ ਉਹ ਐਟਮੀ ਹਥਿਆਰ ਬਣਾਉਣ ਦੇ ਸਾਰੇ ਕੰਮ ਨੂੰ ਸਿਰੇ ਤੋਂ ਹੀ ਬੰਦ ਕਰ
ਰਿਹਾ ਹੈ।
ਉਸ ਦੇ ਇਸ ਐਲਾਨ ਦੀ ਤਸਦੀਕ
ਯੂ.ਐਨ.ਓ. ਦੀ ਇੰਟਰਨੈਸ਼ਨਲ ਐਨਰਜੀ ਏਜੰਸੀ ਦੇ ਮੁਖੀ ਮੁਹੰਮਦ ਅਲ ਬਰਦਈ ਨੇ ਵੀ
ਕੀਤੀ ਹੈ।
ਸ੍ਰੀ ਬਰਦਈ ਦਾ ਕਹਿਣਾ ਹੈ
,‘ਮੈਂ
ਸਮਝਦਾ ਹਾਂ ਕਿ ਇਰਾਨ ਵਿਚ ਐਟਮੀ ਮੋਰਚੇ ’ਤੇ
ਸਭ ਕੁਝ ਰੋਕ ਦਿੱਤਾ ਗਿਆ ਹੈ।
ਅਸੀਂ ਹੁਣ ਹਰ ਕੰਮ
’ਤੇ
ਸੀਲ ਲਾ ਰਹੇ ਹਾਂ ਤਾਂ ਜੋ ਕਿਸੇ ਤਰ੍ਹਾਂ ਦਾ ਸ਼ੱਕ ਨਾ ਰਹਿ ਜਾਵੇ ਕਿ ਇਸ ਬਾਰੇ
ਕੋਈ ਢਿੱਲ ਦਿੱਤੀ ਗਈ ਹੈ।
ਇਸਫਾਗਨ ਵਿਖੇ
ਯੂਰੇਨੀਅਮ ਨੂੰ ਸੋਧਣ ਦਾ ਕੰਮ ਵੀ ਹੁਣ ਨਹੀਂ ਹੋ ਰਿਹਾ।’
ਇਰਾਨ ਨੇ ਕਾਫ਼ੀ ਸਮਝਦਾਰੀ
ਦਿਖਾਈ।
ਇਰਾਕ ਦੇ ਹਸ਼ਰ ਤੋਂ ਉਹ ਨਾ
ਫਾਕਿਫ਼ ਨਹੀਂ।
ਉਸ ਨੇ ਸਾਰਾ ਕੰਮ
ਇੰਟਰਨੈਸ਼ਨਲ ਐਨਰਜੀ ਏਜੰਸੀ ਦੀ ਮੀਟਿੰਗ ਤੋਂ ਤਿੰਨ ਦਿਨ ਪਹਿਲਾਂ ਹੀ ਸਿਰੇ ਚਾੜ੍ਹ
ਦਿੱਤਾ।
ਇਸ ਨਾਲ ਇਸ ਅਮਰੀਕੀ
ਮਨਸੂਬੇ ਨੂੰ ਤਕੜਾ ਝਟਕਾ ਲੱਗਾ ਕਿ ਇਰਾਨ ਬਾਰੇ ਮਾਮਲਾ ਸੁਰੱਖਿਆ ਪ੍ਰੀਸ਼ਦ ਵਿਚ
ਪੇਸ਼ ਕਰਕੇ ਤਹਿਰਾਨ ਨੂੰ ਇਸ ਗੱਲ ਲਈ ਮਜਬੂਰ ਕੀਤਾ ਜਾਵੇ ਕਿ ਉਹ ਆਪਣੇ ਸਾਰੇ ਐਟਮੀ
ਕੰਮ ਕਾਰ ਤੇ ਕਾਰਗੁਜ਼ਾਰੀ ਦਾ ਪੂਰੀ ਤਰ੍ਹਾਂ ਪ੍ਰਗਟਾਵਾ ਕਰੇ।
ਅਮਰੀਕਾ ਦੀ ਇਹ
ਮੰਗ ਉਸ ਧੱਕੇਸ਼ਾਹੀ ਤੋਂ ਕਿਸੇ ਤਰ੍ਹਾਂ ਘੱਟ ਨਹੀਂ ਜੋ ਉਹ ਇਰਾਕ ਵਿਚ ਕਰਦਾ ਰਿਹਾ
ਸੀ।
ਸੱਦਾਮ
’ਤੇ
ਇਲਜ਼ਾਮ ਲਾਏ ਗਏ ਕਿ ਉਹ ਜੈਵਿਕ ਹਥਿਆਰ ਰੱਖੀ ਬੈਠਾ ਹੈ ਜਿਸ ਨਾਲ ਸਾਰੀ ਦੁਨੀਆਂ ਦੇ
ਮੁਲਕਾਂ ਦੀ ਹੋਂਦ ਤੇ ਪੂਰੀ ਮਨੁੱਖਤਾ ਨੂੰ ਬਹੁਤ ਖਤਰਾ ਹੈ।
ਸੱਦਾਮ ਵਾਰ ਵਾਰ
ਕਹਿੰਦਾ ਰਿਹਾ ਕਿ ਉਸ ਕੋਲ ਕੁਝ ਨਹੀਂ ਹੈ।
ਬੁਸ਼ ਨੇ ਸੱਦਾਮ ਨੂੰ
ਤਬਾਹ ਕਰ ਦਿੱਤਾ।
ਇਰਾਕ ਬੁਰੀ ਤਰ੍ਹਾਂ
ਬਰਬਾਦ ਕਰਕੇ ਉਥੇ ਇਸਲਾਮੀ ਜੱਹਾਦ ਤੇ ਮਾਰਾਮਾਰੀ ਦਾ ਅਜਿਹਾ ਰਾਹ ਖੋਲਿਆ ਅਜਿਹੀ
ਅੱਗ ਉਥੇ ਪੈਦਾ ਕੀਤੀ ਜਿਸ ਦਾ ਭਾਂਬੜ ਹਾਲੇ ਤਕ ਇਰਾਕ ਵਿਚ ਮੱਚਿਆ ਹੋਇਆ ਹੈ।
ਇਹ ਕੋਈ ਵੱਡੀ ਗੱਲ
ਨਹੀਂ ਕਿ ਹੁਣ ਇਰਾਨ ਨਾਲ ਵੀ ਉਹੀ ਸਲੂਕ ਕੀਤਾ ਜਾਵੇ ਜੋ ਇਰਾਕ ਨਾਲ ਹੋਇਆ ਸੀ।
ਇਰਾਨ ਵਿਚ ਉਥੇ ਦੀ
ਨਾਮ ਨਿਹਾਦ ਆਜ਼ਾਦੀ ਦੀ ਲੜਾਈ ਦਾ ਲਾਰਾ ਲਾ ਕੇ ਇਸ ਇਸਲਾਮੀ ਮੁਲਕ ਵਿਚ ਵੀ ਲਪਟਾਂ
ਦਾ ਲਾਂਬੂ ਲਾ ਦਿੱਤਾ ਜਾਵੇ।
ਜੇ ਸੱਦਾਮ ਦੀ ਸਫ਼ਾਈ
ਨਹੀਂ ਮੰਨੀ ਗਈ ਸੀ ਤਾਂ ਇਰਾਨ ਦੇ ਪੱਖ ਨੂੰ ਬੁਸ਼ ਕਿਵੇਂ ਸਮਝ ਲੈਣਗੇ।
ਇਰਾਨ ਦਾ ਕੁਝ ਹੋਰ ਵੀ
ਕਹਿਣਾ ਹੈ।
ਉਸ ਨੇ ਸਾਫ਼ ਕਿਹਾ
ਕਿ ਮੁਲਕ ਦੇ ਪ੍ਰਮਾਣੂ ਪ੍ਰੋਗਰਾਮ ਬਿਜਲੀ ਪੈਦਾ ਕਰਨ ਲਈ ਚਲਾਏ ਜਾ ਰਹੇ ਹਨ।
ਉਨ੍ਹਾਂ ਤੋਂ ਬੰਬ
ਨਹੀਂ ਬਣਾਏ ਜਾ ਰਹੇ।
ਇਰਾਨ ਨੇ ਇਕ ਕਦਮ
ਹੋਰ ਅਗਾਂਹ ਵਧਾ ਲਿਆ।
ਉਸ ਨੇ ਯੂਰਪੀ
ਯੂਨੀਅਨ ਨਾਲ ਇਕ ਸੌਦਾ ਕਰ ਲਿਆ ਕਿ ਉਸ ਨੇ ਐਟਮੀ ਹਥਿਆਰਾਂ ਦੇ ਬਣਾਉਣ ਦਾ ਕੰਮ
ਰੋਕ ਦਿੱਤਾ ਹੈ।
ਇਸ ਲਈ ਯੂਨੀਅਨ
ਇਰਾਨ ਦੇ ਪੱਖ ਨੂੰ ਸੁਰੱਖਿਆ ਪ੍ਰੀਸ਼ਦ ਵਿਚ ਚੰਗੇਰੀ ਤਰ੍ਹਾਂ ਪੇਸ਼ ਕਰੇ।
ਯੂਰਪੀ ਯੂਨੀਅਨ ਨੇ
ਆਸ ਪ੍ਰਗਟਾਈ ਹੈ ਕਿ ਭਾਵੇਂ ਇਰਾਨ ਦਾ ਇਹ ਸਮਝੌਤਾ ਆਰਜ਼ੀ ਹੈ,
ਪਰ ਇਸ ਦੇ ਲਾਭ ਨੂੰ
ਮੁੱਖ ਰੱਖ ਕੇ ਇਰਾਨ ਇਸ ਸਮਝੌਤੇ ਨੂੰ ਪੱਕਾ ਕਰ ਦੇਵੇਗਾ ਕਿਉਂਕਿ ਇਸ ਦੇ ਬਦਲੇ ਉਹ
ਇਰਾਨ ਨੂੰ ਕਈ ਤਰ੍ਹਾਂ ਦੇ ਆਰਥਿਕ ਤੇ ਰਾਜਨੀਤਕ ਲਾਭ ਦੇਵੇਗਾ।
ਪਰ ਅਮਰੀਕਾ ਦੇ ਖਿਆਲ,
ਸੋਚ ਤੇ ਮਾਨਤਾ
ਆਪਣੀ ਹੁੰਦੀ ਹੈ।
ਇਰਾਕ ਤੇ ਸੱਦਾਮ ਦੀ
ਤਬਾਹੀ ਦੇ ਬਾਵਜੂਦ ਉਸ ਨੂੰ ਉਥੋਂ ਉਹ ਹਥਿਆਰ ਨਹੀਂ ਮਿਲੇ ਜਿਨ੍ਹਾਂ ਦੀ ਹੋਂਦ ਦੀ
ਰਟ ਲਗਪਗ ਡੇਢ ਦਹਾਕੇ ਤਕ ਅਮਰੀਕਾ ਨੇ ਲਾਈ ਰੱਖੀ ਤੇ ਦੋ ਵਾਰ ਖਾੜੀ ਵਿਚ ਵੱਡੀ
ਪੱਧਰ ’ਤੇ
ਜੰਗ ਵੀ ਛੇੜੀ।
ਹੁਣ ਯੂਰਪੀ ਯੂਨੀਅਨ
ਦੇ ਸਮਝੌਤੇ,
ਆਸ
’ਤੇ
ਇਰਾਨ ਦੇ ਯਕੀਨ ਦਿਵਾਉਣ ਦੇ ਬਾਵਜੂਦ ਅਮਰੀਕਾ ਦਾ ਇਹ ਕਹਿਣਾ ਹੈ ਕਿ ਇਰਾਨ ਆਪਣੇ
ਸਮਝੌਤੇ ’ਤੇ
ਕਾਇਮ ਰਹੇਗਾ।
ਇਹ ਹੋ ਵੀ ਸਕਦਾ ਹੈ।
ਦੁਨੀਆਂ ਦਾ ਕੋਈ ਵੀ
ਮੁਲਕ ਇਸ ਗੱਲ ਦੀ ਗਾਰੰਟੀ ਨਹੀਂ ਲੈ ਸਕਦਾ ਕਿ ਇਰਾਕ ਜਾਂ ਕੋਈ ਹੋਰ ਜੋ ਵੀ ਕਹਿ
ਰਿਹਾ ਹੈ,
ਉਸ
’ਤੇ
ਕਾਇਮ ਰਹੇਗਾ ਪਰ ਜੇ ਯੂਰਪੀ ਯੂਨੀਅਨ ਨੂੰ ਕੋਈ ਆਸ ਹੈ ਤਾਂ ਉਸ ਦੀ ਪਰਖ ਜ਼ਰੂਰ
ਕੀਤੀ ਜਾਣੀ ਚਾਹੀਦੀ ਹੈ।
ਇਹ ਹੋ ਜਾਵੇਗਾ ਤੇ
ਇਹ ਨਹੀਂ ਹੋਵੇਗਾ,
ਇਹ ਸ਼ਬਦ ਤਾਂ ਸਿਰਫ਼ ਸ਼ੱਕ ਨੂੰ
ਜ਼ਾਹਰ ਕਰਦੇ ਹਨ।
ਅਮਰੀਕਾ ਜੇ ਸਾਰੀ
ਦੁਨੀਆਂ ਵਿਚ ਸਭ ਤੋਂ ਵੱਧ ਤਾਕਤਵਰ ਹੈ ਤਾਂ ਉਸ ਨੂੰ ਕੋਈ ਕਾਰਵਾਈ ਕਰਨ ਤੋਂ
ਪਹਿਲਾ ਕਿਸੇ ਵੀ ਗਲਤ ਕੰਮ ਕਰਨ ਵਾਲੇ ਮੁਲਕ ਨੂੰ ਹਰ ਮੌਕਾ ਦੇਣਾ ਚਾਹੀਦਾ ਹੈ।
ਇਰਾਨ ਉਸ ਦੀ ਜਾਂ
ਦੁਨੀਆਂ ਦੇ ਬਾਕੀ ਮੁਲਕਾਂ ਜਾਂ ਕਿਸੇ ਕੌਮਾਂਤਰੀ ਸੰਸਥਾ ਦੀ ਗੱਲ ਨਹੀਂ ਮੰਨੇਗਾ,
ਇਸ ਅਟਕਲ ਨੂੰ ਸਬੂਤ
ਤਾਂ ਨਹੀਂ ਮੰਨਿਆ ਜਾ ਸਕਦਾ।
ਇਰਾਨ
’ਤੇ
ਪਾਬੰਦੀਆਂ ਲਾਉਣੀਆਂ ਹੋਣ ਤਾਂ ਇਹ ਕੰਮ ਚਾਰ ਛੇ ਮਹੀਨਿਆਂ ਪਿੱਛੋਂ ਵੀ ਹੋ ਸਕਦਾ
ਹੈ।
ਬੁਸ਼ ਸਾਹਿਬ ਨੂੰ ਕਿਸੇ ਪੰਡਤ
ਨੇ ਮਹੂਰਤ ਤਾਂ ਕੱਢ ਕੇ ਨਹੀਂ ਦੱਸਿਆ ਕਿ ਅਗਲੇ ਇਕ ਦੋ ਹਫ਼ਤਿਆਂ ਵਿਚ ਇਰਾਨ ਦਾ
ਮਾਮਲਾ ਨਿਪਟਾ ਲੈਣਾ ਚਾਹੀਦਾ ਹੈ।
ਅਮਰੀਕਾ ਦਾ ਇਹ ਕਹਿਣਾ ਹੈ
ਕਿ ਇਰਾਨ ਆਪਣੀਆਂ ਐਟਮੀ ਭੱਠੀਆਂ ਕਦੇ ਬੰਦ ਨਹੀਂ ਕਰੇਗਾ।
ਤਹਿਰਾਨ ਤੋਂ
300
ਕਿਲੋਮੀਟਰ ਦੱਖਣ
ਵਿਚ ਨਟਾਂਜ ਵਿਖੇ ਇਰਾਨੀ ਐਟਮੀ ਸੋਧ ਕੇਂਦਰ ’ਤੇ
ਇਸ ਬਾਰੇ ਸਾਰਾ ਕੰਮ ਹੋ ਰਿਹਾ ਹੈ।
ਅਮਰੀਕਾ ਦਾ ਇਹ
ਕਹਿਣਾ ਹੈ ਕਿ ਇਸ ਨੂੰ ਬੰਦ ਕਰਨ ਦੇ ਐਲਾਨ ਦੇ ਬਾਵਜੂਦ ਯੂਰੇਨੀਅਮ ਸੋਧਣ ਦਾ ਕੰਮ
ਵਧਾ ਦਿੱਤਾ ਹੈ।
ਅਲ ਬਰਦਈ ਨੇ ਵੀ ਇਹ
ਮੰਨਿਆ ਹੈ ਕਿ ਇਰਾਨ ਨੇ ਕਈ ਟਨ ਯੂਰੇਨੀਅਮ ਹੈਕਸਾਫ਼ ਲੈਰਾਈਡ ਤਿਆਰ ਕੀਤਾ ਹੈ।
ਇਸ ਨੂੰ ਐਟਮੀ
ਬਿਜਲੀ ਪਲਾਂਟਾਂ ਜਾਂ ਹਥਿਆਰ ਬਣਾਉਣ ਲਈ ਇਸਤੇਮਾਲ ਕੀਤਾ ਜਾਂਦਾ ਹੈ।
ਜੇ ਬਹੁਤ ਸਾਧਾਰਨ ਢੰਗ ਨਾਲ
ਦਲੀਲ ਦਿੱਤੀ ਜਾਵੇ ਤਾਂ ਇਹ ਗੱਲ ਸਾਫ਼ ਹੋ ਜਾਂਦੀ ਹੈ ਕਿ ਕਿਸੇ ਵੀ ਬੰਦੇ ਨੂੰ ਉਸ
ਵੇਲੇ ਤਕ ਸਜ਼ਾ ਨਹੀਂ ਦਿੱਤੀ ਜਾ ਸਕਦੀ ਜਦ ਤਕ ਉਸ ਨੂੰ ਦੋਸ਼ੀ ਕਰਾਰ ਨਾ ਦਿੱਤਾ
ਜਾਵੇ।
ਕਿਸੇ ਨੂੰ ਦੋਸ਼ੀ ਸਾਬਤ ਤਾਂ
ਹੀ ਕੀਤਾ ਜਾ ਸਕਦਾ ਹੈ ਜੇ ਉਸ ਦੇ ਖਿਲਾਫ਼ ਪੱਕੇ ਤੇ ਠੋਸ ਸਬੂਤ ਹੋਣ।
ਹਾਂ,
ਇਰਾਨ
’ਤੇ
ਇਕ ਇਲਜ਼ਾਮ ਜ਼ਰੂਰ ਲਾਇਆ ਜਾ ਸਕਦਾ ਹੈ।
ਉਸ ਨੇ ਫਰਾਂਸ,
ਜਰਮਨੀ ਤੇ ਇੰਗਲੈਂਡ
ਨਾਲ ਅਕਤੂਬਰ 2003
ਵਿਚ ਇਕ ਸਮਝੌਤਾ
ਕੀਤਾ ਸੀ।
ਇਰਾਨ ਨੇ ਉਸ ਵੇਲੇ ਇਹ
ਮੰਨਿਆ ਸੀ ਕਿ ਉਹ ਐਟਮੀ ਉਤਪਾਦਨ ਬੰਦ ਕਰ ਦੇਵੇਗਾ।
ਪਰ ਛੇਤੀ ਹੀ ਇਰਾਨ
ਦਾ ਇਹ ਸਮਝੌਤਾ ਟੁੱਟ ਗਿਆ।
ਉਸ ਨੇ ਫੇਰ ਸਾਰਾ
ਕੰਮ ਸ਼ੁਰੂ ਕਰ ਦਿੱਤਾ।
ਇਹ ਸਮਝੌਤਾ ਰੱਦ
ਕਰਕੇ ਇਰਾਨ ਇਨ੍ਹਾਂ ਮੁਲਕਾਂ ਦਾ ਕਸੂਰਵਾਰ ਹੋ ਗਿਆ।
ਉਨ੍ਹਾਂ ਨੇ ਕੀ
ਕੀਤਾ ਜਾਂ ਕੀ ਨਹੀਂ ਕੀਤਾ,
ਇਹ ਹਾਲੇ ਸਪਸ਼ਟ ਨਹੀਂ ਹੈ ਪਰ
ਉਨ੍ਹਾਂ ਤਿੰਨਾਂ ਮੁਲਕਾਂ ਨੇ ਇਕ ਵਾਰੀ ਤਾਂ ਇਰਾਨ ਨੂੰ ਝੂਠਾ ਸਾਬਤ ਕਰ ਹੀ ਦਿੱਤਾ।
ਹੁਣ ਇਸੇ ਨੂੰ ਮੁੱਖ ਆਧਾਰ
ਮੰਨ ਕੇ ਤੇ ਇੰਟਰਨੈਸ਼ਨਲ ਅਟਾਮਿਕ ਐਨਰਜੀ ਏਜੰਸੀ ਦੇ ਸ਼ੱਕ ਨੂੰ ਬੁਨਿਆਦ ਮੰਨ ਲਿਆ
ਗਿਆ ਹੈ ਕਿ ਇਰਾਨ ਕਦੇ ਵੀ ਐਟਮੀ ਹਥਿਆਰ ਦੇ ਕੰਮ ਤੋਂ ਨਹੀਂ ਹਟੇਗਾ।
ਪਰ ਅਲ ਬਰਦਈ ਦੀ
ਤਾਜ਼ਾ ਰਿਪੋਟ ਤਾਂ ਇਰਾਨ ਦੇ ਪੱਖ ਵਿਚ ਹੈ।
ਇਸ ਲਈ ਅਮਰੀਕਾ ਜਾਂ
ਯੂ.ਐਨ.ਓ. ਵਲੋਂ ਇਰਾਨ ਦੇ ਖਿਲਾਫ਼ ਕੋਈ ਕਾਰਵਾਈ ਕਰਨ ਤੋਂ ਪਹਿਲਾਂ ਇਹ ਜਾਣ ਲੈਣਾ
ਬਹੁਤ ਜ਼ਰੂਰੀ ਹੈ ਕਿ ਅਸਲ ਉਥੇ ਹੋ ਕੀ ਰਿਹਾ ਹੈ।
ਜੇ ਇਰਾਨ ਵਿਚ ਵੀ
ਇਰਾਕ ਦੀ ਤਰ੍ਹਾਂ ਜਲਦਬਾਜ਼ੀ ਕੀਤੀ ਗਈ ਤਾਂ ਮਹਾਂ ਸ਼ਕਤੀ ਅਮਰੀਕਾ ਨੂੰ ਕੌਮਾਂਤਰੀ
ਭਾਈਚਾਰੇ ਸਾਹਮਣੇ ਆਪਣਾ ਮੂੰਹ ਦਿਖਾਉਣਾ ਹੀ ਮੁਸ਼ਕਲ ਹੋ ਜਾਵੇਗਾ।
ਇਰਾਨ ਦੇ ਐਟਮੀ
ਪਲਾਂਟਾਂ ਤੇ ਜਖੀਰਿਆਂ ਬਾਰੇ ਵੱਧ ਤੋਂ ਵੱਧ ਜਾਣਕਾਰੀ ਪ੍ਰਚਾਰਤ ਕਰਕੇ ਅਮਰੀਕਾ
ਕੌਮਾਂਤਰੀ ਭਾਈਚਾਰੇ ਨੂੰ ਅਸਲੀਅਤ ਸਮਝਾ ਸਕਦਾ ਹੈ।
ਪਰ ਅਮਰੀਕਾ ਦੀ ਦੋ ਧਾਰੀ
ਨੀਤੀ ਦਾ ਕੀ ਬਣੇਗਾ।
ਇਕ ਪਾਸੇ ਤਾਂ ਉਸ
ਨੂੰ ਮੁਸਲਿਮ ਮੁਲਕ ਇਰਾਨ ਦੀ ਐਟਮੀ ਭੱਠੀਆਂ ਸਤਾ ਰਹੀਆਂ ਹਨ ਪਰ ਦੂਜੇ ਪਾਸੇ ਐਟਮੀ
ਧਮਾਕਾ ਕਰਨ ਵਾਲੇ ਪਾਕਿਸਤਾਨ ਨੂੰ 30
ਕਰੋੜ ਡਾਲਰ ਦੀ
ਫੌਜੀ ਸਹਾਇਤਾ ਦੇਣ ਦਾ ਐਲਾਨ ਵੀ ਕਰ ਦਿੱਤਾ ਹੈ।
ਕਿਹਾ ਤਾਂ ਇਹ
ਜਾਂਦਾ ਹੈ ਕਿ ਦੁਨੀਆਂ ਭਰ ਦੇ ਇਸਲਾਮੀ ਅਤਿਵਾਦੀਆਂ ਵਿਰੁਧ ਕਾਰਵਾਈ ਕਰਵਾਉਣ ਵਿਚ
ਮਦਦ ਦੇਣ ਲਈ ਅਮਰੀਕਾ ਨੇ ਮੁਸ਼ੱਰਫ਼ ਨੂੰ ਇਹ ਇਨਾਮ ਦਿੱਤਾ ਹੈ।
ਪਰ ਸਵਾਲ ਇਹ ਹੈ ਕਿ ਕੀ ਕੋਈ
ਸਮਝਦਾਰ ਮੁਲਕ ਜਾਂ ਆਦਮੀ ਸ਼ੈਤਾਨ ਨੂੰ ਬਾਰੂਦ ਦੇ ਕੇ ਇਹ ਤਸੱਲੀ ਕਰ ਸਕਦਾ ਹੈ ਕਿ
ਉਸ ਨਾਲ ਉਹ ਤਬਾਹੀ ਨਹੀਂ ਮਚਾਏਗਾ ਬਲਕਿ ਗਰੀਬਾਂ ਨੂੰ ਲੰਗਰ ਵਰਤਾਵੇਗਾ।
ਇਰਾਨ ਵਿਚੋਂ ਤੇਲ
ਖੋਹਣ ਲਈ ਉਥੇ ਤਾਂ ਐਟਮੀ ਹਥਿਆਰਾਂ ਦੇ ਬਹਾਨੇ ਘੜੇ ਜਾ ਰਹੇ ਹਨ ਪਰ ਪਾਕਿਸਤਾਨ
ਨੂੰ ਤਬਾਹੀ ਮਚਾਉਣ ਦੇ ਹਥਿਆਰ ਦੇ ਕੇ ਜਾਰਜ ਡਬਲਿਊ,
ਬੁਸ਼ ਕੀ ਨੇਕੀ ਖੱਟ
ਰਹੇ ਹਨ।
ਇਹ ਰੱਬ ਜਾਣੇ।
ਉਹ ਸ਼ਾਇਦ ਚੋਰ ਤੋਂ
ਚੋਰੀ ਵੀ ਕਰਵਾਉਣਾ ਚਾਹੁੰਦੇ ਹਨ ਤੇ ਸੇਠ ਨੂੰ ਚੋਰ ਬਣਾ ਕੇ ਫੜਾਉਣਾ ਵੀ ਚਾਹੁੰਦੇ
ਹਨ। |
