|
 ਸਾਮਰਾਜ
ਦਾ ਇਹ ਖਾਸਾ ਰਿਹਾ ਹੈ ਕਿ ਉਹ ਸਾਰੀ ਦੁਨੀਆ ਨੂੰ ਆਪਣੇ ਅਧੀਨ ਰੱਖਣਾ ਚਾਹੁੰਦਾ ਹੈ,
ਅਥਵਾ ਆਪਣਾ ਗੁਲਾਮ ਬਣਾ ਕੇ
ਰੱਖਣਾ ਚਾਹੰਦਾ ਹੈ।
ਇਹ ਜਿੱਤਾਂ ਪ੍ਰਾਪਤ
ਕਰਨ ਲਈ ਮਨੁੱਖਤਾ ਦਾ ਘਾਣ ਕਰ ਸਕਦਾ ਹੈ,
ਖੂਨ ਦੀਆਂ ਨਦੀਆਂ ਵਹਾਅ
ਸਕਦਾ ਹੈ, ਤੇਜ਼ਾਬ
ਦਾ ਮੀਂਹ ਵਰ੍ਹਾ ਸਕਦਾ ਹੈ,
ਇੱਕ ਦੇਸ ਨੂੰ ਦੂਜੇ ਦੇਸ
ਨਾਲ ਲੜਾ ਸਕਦਾ ਹੈ।
ਇਸ ਨੂੰ ਆਪਣੀ ਐਟਮੀ
ਸ਼ਕਤੀ ਉੱਤੇ ਏਨਾ ਮਾਣ ਹੈ ਕਿ ਇਸ ਦਾ ਆਪਣਾ ਕੋਈ ਵੀ ਨਹੀਂ ਹੁੰਦਾ।
ਇਹ ਦੇਸਾਂ ਵਿੱਚ
ਫਿਰਕੂਵਾਦ,
ਇਲਾਕਾਵਾਦ,
ਜਾਤੀਵਾਦ ਫੈਲਾ ਕੇ ਅਤੇ ਕੱਟੜ - ਪੰਥੀਆਂ ਨੂੰ ਹਥਿਆਰ ਸਪਲਾਈ ਕਰ ਕੇ ਦੰਗੇ ਭੜਕਾ
ਸਕਦਾ ਹੈ।
ਜੰਗਾਂ ਲਾਉਣਾ ਇਸ ਦਾ ਸ਼ੁਗਲ
ਹੁੰਦਾ ਹੈ।
ਜੰਗ ਲਾਉਣ ਲਈ ਕੋਈ
ਵੀ ਬਹਾਨਾ ਘੜਿਆ ਜਾ ਸਕਦਾ ਹੈ।
ਇਹ ਦੁਨੀਆ ਦੀ ਲੁੱਟ
ਲਈ ਧਾੜਵੀਆਂ ਨੂੰ ਪਨਾਹ ਵੀ ਦਿੰਦਾ ਹੈ।
ਇਸ ਦੇ ਜੀਵਨ ਦਾ
ਇਤਿਹਾਸ ਬਹੁਤ ਪੁਰਾਣਾ ਹੈ।
ਸਮੇਂ ਮੁਤਾਬਕ ਇਹ
ਹਾਲਤਾਂ ਅਤੇ ਸ਼ਕਲਾਂ ਬਦਲ ਲੈਂਦਾ ਹੈ।
ਦੇਸਾਂ ਦੇ ਚਾਪਲੂਸ
ਹਾਕਮਾਂ ਤੇ ਆਗੂਆਂ ਨੂੰ ਆਪਣੇ ਜਾਲ ਵਿੱਚ ਫਸਾਉਣ ਦਾ ਨੁਸਖਾ ਵੀ ਇਹ ਘੜ ਲੈਂਦਾ ਹੈ।
ਕਦੇ ਸਾਰੀ ਦੁਨੀਆ
ਵਿੱਚ ਬਰਤਾਨਵੀ ਸਾਮਰਾਜ ਦੀ ਹੀ ਭੂਤੀ ਬੋਲਦੀ ਸੀ।
ਅਣਖੀ ਸੂਰਬੀਰਾਂ ਨੇ
ਅਣਗਿਣਤ ਕੁਰਬਾਨੀਆਂ ਦੇ ਕੇ ਬਰਤਾਨਵੀ ਸਾਮਰਾਜ ਦੀ ਗੁਲਮੀ ਦਾ ਜੂਲਾ ਗਲੋਂ ਲਾਹਿਆ।
ਭਾਰਤੀ ਸੂਰਬੀਰਾਂ
ਨੇ ਵੀ ਅਨੇਕਾਂ ਕੁਰਬਾਨੀਆਂ ਦੇ ਕੇ ਬਰਤਾਨਵੀ ਸਾਮਰਾਜ ਨੂੰ ਇਥੋਂ ਭਜਾਇਆ,
ਭਾਵੇਂ ਉਨ੍ਹਾਂ ਸੂਰਬੀਰਾਂ
ਦੇ ਉਹ ਸੁਫਨੇ ਪੂਰੇ ਨਹੀਂ ਹੋਏ,
ਜਿਨ੍ਹਾਂ ਨੂੰ ਆਪਣੇ ਦਿਲੋ -
ਦਿਮਾਗ ਵਿੱਚ ਵਸਾ ਕੇ ਉਨ੍ਹਾਂ ਨੇ ਆਪਣੀਆਂ ਜਾਨਾਂ ਤੇ ਜਾਇਦਾਦਾਂ ਕੁਰਬਾਨ ਕੀਤੀਆਂ
ਸਨ।
ਸਾਮਰਾਜੀਆਂ ਦੇ ਏਥੋਂ ਚਲੇ
ਜਾਣ ਤੋਂ ਪਿੱਛੋਂ ਵੀ ਲੋਕਾਂ ਦੀ ਲੁੱਟ ਜਾਰੀ ਹੈ।
 ਜਦੋਂ
1945 ਵਿੱਚ
ਬਰਤਾਨਵੀ ਸਾਮਰਾਜ ਬਹੁਤ ਕਮਜ਼ੋਰ ਹੋ ਗਿਆ ਤਾਂ ਉਸ ਦੀ ਕਮਾਨ ਅਮਰੀਕਾ ਨੇ ਸੰਭਾਲ ਲਈ।
ਮਨੁੱਖਤਾ ਨੂੰ ਉਸ
ਨੇ ਸਭ ਤੋਂ ਪਹਿਲਾਂ ਤੋਹਫਾ ਦਿੱਤਾ ਜਾਪਾਨ ਦੇ ਦੋ ਸ਼ਹਿਰਾਂ ਨਾਗਾਸਾਕੀ ਤੇ
ਹੀਰੋਸ਼ਾਮਾ ਉੱਤੇ ਐਟਮ ਬੰਬ ਸੱਟ ਕੇ।
ਇਸ ਦੇ ਨਾਲ ਹੀ
ਆਪਣੇ ਜੋਟੀਦਾਰ ਵੀ ਬਣਾ ਲਏ।
1917 ਦੇ ਰੂਸੀ
ਇਨਕਲਾਬ ਨੇ ਸਾਰੀ ਦਨੀਆਂ ਨੂੰ ਇੱਕ ਨਵਾਂ ਰਾਹ ਸਮਾਜਵਾਦੀ ਪ੍ਰਬੰਧ ਦਾ ਵਿਖਾਇਆ,
ਜਿਸ ਉੱਤੇ ਕਿਰਤੀ ਸ਼੍ਰੇਣੀ
ਲਗਾਤਾਰ ਅੱਗੇ ਵਧੀ।
ਸਮਾਜਵਾਦ ਨੇ
ਸਾਮਰਾਜ ਨੇ ਖੂਨੀ ਪੰਜੇ ਰੋਕਣ ਲਈ ਦੂਜੀ ਤਾਕਤ ਹੋਂਦ ਵਿਚ ਲਿਆਂਦੀ।
ਦੂਜੇ ਪਾਸੇ ਨਵੇਂ
ਆਜ਼ਾਦ ਹੋਏ ਦੇਸਾਂ ਨੇ ਅਮਨ - ਸ਼ਾਂਤੀ ਦੀ ਬਹਾਲੀ ਲਈ ਗੁੱਟ - ਨਿਰਲੇਪ ਲਹਿਰ ਦਾ
ਗਠਨ ਕੀਤਾ।
ਇੱਕ ਸਮੇਂ ਜਦੋਂ
ਭਾਰਤ ਇਸ ਸੰਸਥਾ ਦਾ ਚੇਅਰਮੈਨ ਸੀ ਤਾਂ ਇਸ ਦੇ ਮੈਂਬਰ ਦੇਸਾਂ ਦੀ ਗਿਣਤੀ
100 ਤੋਂ ਵੱਧ ਸੀ।
ਇਸ ਸੰਸਥਾ ਦੀਆਂ
ਨੀਤੀਆਂ ਵੀ ਸਾਮਰਾਜ - ਵਿਰੋਧੀ ਹੀ ਸਨ।
ਇਸੇ ਕਾਰਨ ਇਹ
ਸੰਸਥਾ ਸਾਮਰਾਜ ਨੂੰ ਰੜਕ ਰਹੀ ਸੀ।
ਜਿੱਥੇ ਅੰਦਰੂਨੀ ਤੇ ਬਾਹਰੀ
ਕਾਰਨਾਂ ਕਰ ਕੇ ਸੋਵੀਅਤ ਯੂਨੀਅਨ ਖੇਰੂੰ - ਖੇਰੂੰ ਹੋ ਗਿਆ ਅਤੇ ਇਕੱਲਾ ਅਮਰੀਕੀ
ਸਾਮਰਾਜ ਹੀ ਦੁਨੀਆ ਦਾ ਥਾਣੇਦਾਰ ਬਣ ਬੈਠਾ,
ਉਥੇ ਭਾਰਤ ਸਮੇਤ ਗੁੱਟ -
ਨਿਰਲੇਪ ਲਹਿਰ ਵੀ ਆਪਣਾ ਮਹੱਤਵ ਗਵਾ ਬੈਠੀ।
ਸਿੱਟੇ ਵਜੋਂ
ਅਮਰੀਕੀ ਸਾਮਰਾਜ ਨੂੰ ਅਤੇ ਉਸ ਦੇ ਜੀ - ਹਜ਼ੂਰੀਏ ਦੇਸਾਂ ਦੇ ਹਾਕਮਾਂ ਨੂੰ ਇੱਕ -
ਧਰੁਵੀ ਸੰਸਾਰ ਦਿੱਸਣ ਲੱਗ ਗਿਆ ਅਤੇ ਸਾਮਰਾਜ ਹੋਰ ਵੀ ਪੰਖਾਰੂ ਹੋ ਗਿਆ।
ਇੰਡੋਨੇਸ਼ੀਆ,
ਕਾਂਗੋ,
ਗੁਆਟੇਮਾਲਾ,
ਦੱਖਣੀ ਅਫ਼ਰੀਕਾ,
ਫਲਸਤੀਨ,
ਅਫ਼ਗ਼ਾਨਿਸਤਾਨ,
ਇਰਾਕ ਆਦਿ ਦੇਸ ਸਾਮਰਾਜ ਦੀ
ਚੱਕੀ ਪਿਸ ਚੁੱਕੇ ਹਨ ਜਾਂ ਪੀਸੇ ਜਾ ਰਹੇ ਹਨ।
ਪ੍ਰੰਤੂ ਵਿਗਿਆਨਕ
ਦ੍ਰਿਸ਼ਟੀ ਤੋਂ ਇਹ ਸਦਾ ਸੱਚ ਰਹੇਗਾ ਕਿ ਸਮਾਂ ਕਦੇ ਵੀ ਸਥਰ ਨਹੀਂ ਰਹਿੰਦਾ।
ਜੇ ਅੱਜ ਦੇ ਸੰਸਾਰ
ਵਰਤਾਰੇ ਨੂੰ ਤਿੱਖੀ ਨੀਝ ਨਾਲ ਵੇਖਿਆ ਜਾਵੇ ਤਾਂ ਸਾਮਰਾਜ ਦੇ ਪੈਰਾਂ ਹੇਠੋਂ
ਜ਼ਮੀਨ ਖਿਸਕਦੀ ਜਾ ਰਹੀ ਹੈ।
ਵੀਅਤਨਾਮ ਤੋਂ
ਪਿੱਛੇ ਸਾਮਰਾਜ ਇਰਾਕ ਵਿੱਚ ਐਸਾ ਫਸਿਆ ਹੈ ਕਿ ਉਥੇ ਹਰ ਸਮੇਂ ਉਸ ਨੂੰ ਆਪਣੀ ਮੌਤ
ਹੀ ਨਜ਼ਰ ਆ ਰਹੀ ਹੈ।
ਉਹ ਭਾਰਤ ਸਮੇਤ
ਦੂਜੇ ਦੇਸਾਂ ਦੇ ਤਰਲੇ ਕੱਢ ਰਿਹਾ ਹੈ ਕਿ ਇਰਾਕ ਵਿੱਚ ਆਪਣੀਆਂ ਫੌਜਾਂ ਮਰਨ ਲਈ
ਭੇਜ ਦਿਉ ਅਤੇ ਮੇਰੀ ਜਾਨ ਬਚਾਓ।
ਹੁਣ ਤੱਕ ਇਰਾਕੀ
ਗੁਰੀਲਿਆਂ ਨੇ ਅਮਰੀਕਾ ਤੇ ਉਸ ਦੇ ਸਹਿਯੋਗੀਆਂ ਦੇ 1400
ਫੌਜੀ ਮਾਰ ਦਿੱਤੇ ਹਨ।
ਪ੍ਰਤੱਖ ਹੀ ਹੈ ਕਿ
ਜੋ ਹਸ਼ਰ ਵੀਅਤਨਾਮ ਵਿੱਚ ਹੋਇਆ ਸੀ,
ਉਹੀ ਸਬਕ ਉਸ ਨੂੰ ਇਰਾਕ
ਵਿੱਚ ਵੀ ਮਿਲੇਗਾ।
 ਦੱਖਣੀ
ਅਮਰੀਕਾ ਦੇ ਦੇਸ ਵੈਨਜ਼ੂਏਲਾ,
ਮੈਕਸੀਕੋ,
ਅਰਜਨਟਾਈਨਾ ਤੇ ਬਰਾਜ਼ੀਲ
ਵਿੱਚ ਪਿਛਲੇ ਚਾਰ ਸਾਲਾਂ ਵਿੱਚ ਖੱਬੇ - ਪੱਖੀ ਸਰਕਾਰਾਂ ਹੋਂਦ ਵਿੱਚ ਆ ਚੁੱਕੀਆਂ
ਹਨ, ਜਿਹੜੀਆਂ
ਅਮਰਕੀ ਸਾਮਰਾਜ ਲਈ ਮੁਸੀਬਤ ਬਣੀਆਂ ਹੋਈਆਂ ਹਨ।
ਕਿਊਬਾ,
ਜੋ ਅਮਰੀਕਾ ਤੋਂ ਸਿਰਫ਼
90 ਕਿਲੋਮੀਟਰ ਦੀ
ਦੂਰੀ ’ਤੇ ਸਥਿਤ ਹੈ,
ਪਿਛਲੇ ਲੰਮੇ ਸਮੇਂ ਤੋਂ
ਸਮਾਜਵਾਦ ਦੀ ਉਸਾਰੀ ਕਰ ਰਿਹਾ ਹੈ।
ਉਹ ਅਮਰੀਕਾ ਦੇ
ਹਰਬਿਆਂ ਦੇ ਬਾਵਜੂਦ ਚੱਟਾਨ ਦੀ ਤਰ੍ਹਾਂ ਅਡੋਲ ਖੜਾ ਹੈ।
ਹਾਲਾਤ ਬਦਲ ਰਹੇ ਹਨ
ਤੇ ਸੰਸਾਰ ਇੱਕ ਧਰੁਵੀ ਨਾ ਰਹਿ ਕੇ ਤਿੰਨ - ਧਰੁਵੀ ਬਣ ਰਿਹਾ ਹੈ।
ਲਾਤੀਨੀ ਅਮਰੀਕਾ
ਇੱਕ ਪਾਸੇ ਅਤੇ ਅਰਬ ਦੇਸ ਦੂਜੇ ਪਾਸੇ ਖੜੇ ਹਨ।
ਸਾਮਰਾਜ ਦੇ ਆਪਣੇ
ਹਮਸਫ਼ਰ ਵੀ ਡਗਮਗਾ ਰਹੇ ਹਨ।
ਰੂਸ ਤੇ ਚੀਨ ਮਿਲ
ਕੇ ਭਾਰਤ ਉੱਤੇ ਦਬਾਅ ਪਾ ਰਹੇ ਹਨ ਕਿ ਸੰਸਾਰ ਅਮਨ ਲਈ ਇਹ ਤਿੰਨੇ ਸ਼ਕਤੀਆਂ
ਇਕੱਠੀਆਂ ਹੋ ਜਾਣ ਅਤੇ ਸਾਮਰਾਜ ਦਾ ਹੰਕਾਰ ਤੋੜ ਦੇਣ।
ਪਿਛਲੇ ਤਕਰੀਬਨ 15
- 20 ਸਾਲਾਂ ਤੋਂ ਖ਼ਾਸ ਕਰ
ਕੇ ਜਦੋਂ ਤੋਂ ਸੋਵੀਅਤ ਸੰਘ ਬਿਖਰਿਆ ਹੈ,
ਭਾਰਤੀ ਹਾਕਮ ਅਮਰੀਕਾ ਨਾਲ
ਆਪਣੇ ਸੰਬੰਧ ਨੇੜਤਾ ਵਾਲੇ ਬਣਾ ਰਹੇ ਹਨ।
ਭਾਰਤੀ ਵਿਦੇਸ਼
ਮੰਤਰੀ ਨੇ ਸਭ ਤੋਂ ਪਹਿਲਾਂ ਬਿਆਨ ਇਹ ਦਿੱਤਾ ਸੀ ਕਿ ਇਰਾਕ ਦੀ ਸਥਿਤੀ ਸੁਧਰੀ ਹੈ,
ਭਾਰਤ ਆਪਣੀਆਂ ਫ਼ੌਜਾਂ ਇਰਾਕ
ਵਿੱਚ ਭੇਜਣ ਬਾਰੇ ਸੋਚ - ਵਿਚਾਰ ਕਰੇਗਾ।
ਭਾਵੇਂ ਸਰਕਾਰ ਨੇ
ਉਸ ਬਿਆਨ ਤੋਂ ਪਾਸਾ ਮੋੜ ਲਿਆ ਸੀ,
ਪ੍ਰੰਤੂ ਬਿਆਨ ਬਹੁਤ ਹੀ
ਚਿੰਤਾ ਪੈਦਾ ਕਰਨ ਵਾਲਾ ਸੀ।
ਰਾਅ ਸਾਡੇ ਦੇਸ ਦੀ
ਸਭ ਤੋਂ ਵੱਡੀ ਖੁਫੀਆ ਏਜੰਸੀ ਹੈ ਅਤੇ ਇਹ ਸਿੱਧੀ ਪ੍ਰਧਾਨ ਮੰਤਰੀ ਦੇ ਕੰਟਰੋਲ
ਵਿੱਚ ਹੁੰਦੀ ਹੈ।
ਇਹ ਕਿਦਾ ਹੋ ਗਿਆ
ਕਿ ਰਾਅ ਦਾ ਇੱਕ ਉੱਚ ਅਧਿਕਾਰੀ ਰਬਿੰਦਰ ਸਿੰਘ ਖੁਫੀਆ ਦਸਤਾਵੇਜ਼ਾਂ ਲੈ ਕੇ ਰਾਤੋ -
ਰਾਤ ਕਠਮੰਡੂ ਰਾਹੀਂ ਅਮਰੀਕੀ ਪਾਸਪੋਰਟ ਲੈ ਕੇ ਚੋਰੀ - ਚੋਰੀ ਅਮਰੀਕਾ ਪਹੁੰਚ ਗਿਆ
ਅਤੇ ਆਪਣੇ ਸਮੁੱਚੇ ਪਰਿਵਾਰ ਨਾਲ ਨਿਊਯਾਰਕ ਵਿੱਚ ਜੈਕਸਨ ਰਾਈਟਸ ਟਾਊਨ ਵਿਖੇ ਰਹਿ
ਰਿਹਾ ਹੈ? ਉਸ ਨੇ
ਆਪਣੇ ਲਈ ਅਤੇ ਆਪਣੇ ਸਹਿਯੋਗੀ ਰਾਅ ਦੇ ਅਧਿਕਾਰੀਆਂ ਲਈ ਅਮਰੀਕਾ ਵਿਚ ਵੱਡੀਆਂ -
ਵੱਡੀਆਂ ਜਾਇਦਾਦਾਂ ਬਣਾ ਰੱਖੀਆਂ ਹਨ।
ਕੀ ਇਹ ਸਭ ਸੀ. ਆਈ.
ਏ. ਦੇ ਏਜੰਟ ਨਹੀਂ ਹਨ?
ਕੀ ਇਹ ਸਭ ਕੁਝ ਸਾਡੇ
ਹਾਕਮਾਂ ਦੀਆਂ ਅੱਖਾਂ ਤੋਂ ਓਹਲੇ ਹੋ ਗਿਆ?
ਜਾਂ ਹਾਕਮ ਬੇਪ੍ਰਵਾਹ ਰਹੇ?
ਕੀ ਅਜਿਹੇ ਹਾਲਾਤ ਅਮਰੀਕਾ
ਦੀ ਤਾਬੇਦਾਰੀ ਨਹੀਂ ਦਰਸਾਉਂਦੇ?
 ਭਾਰਤ
ਦੀ ਖੱਬੀ ਧਿਰ ਹਮੇਸ਼ਾ ਸਾਮਰਾਜ ਦੀ ਵਿਰੋਧੀ ਰਹੀ ਹੈ ਅਤੇ ਪੁਰਾਣੇ ਕਾਂਗਰਸੀ ਵੀ,
ਭਾਵੇਂ ਕਿਸੇ ਵੀ ਤਰੀਕੇ ਨਾਲ
ਸਹੀ, ਸਾਮਰਾਜ -
ਵਿਰੋਧੀ ਹਨ।
ਮੌਜੂਦਾ ਮਨਮੋਹਨ
ਸਿੰਘ ਸਰਕਾਰ ਆਪਣੀ ਵਿਦੇਸ਼ ਨੀਤੀ ਨੂੰ ਨਵੀਂ ਦਿਸ਼ਾ ਦੇ ਰਹੀ ਹੈ।
ਕਦੇਂ ਸਮਾਂ ਸੀ
ਜਦੋਂ ਪਾਰਲੀਮੈਂਟ ਦੀਆਂ ਇੱਕ ਸਾਲ ਵਿੱਚ 178
ਮੀਟਿੰਗਾਂ ਨਿਸ਼ਚਿਤ ਸਨ ਅਤੇ ਅਸੈਂਬਲੀਆਂ ਦੀਆਂ ਵੀ ਨਿਸ਼ਚਿਤ ਸਨ।
ਪ੍ਰੰਤੂ ਅੱਜ ਹਾਲਾਤ
ਇਹ ਹੈ ਕਿ ਪਾਰਲੀਮੈਂਟ ਲਈ ਘੱਟੋ - ਘੱਟ 100
ਮੀਟਿੰਗਾਂ ਕਰਨ ਦੀ ਮੰਗ ਕੀਤੀ ਜਾ ਰਹੀ ਹੈ ਅਤੇ ਅਸੈਂਬਲੀਆਂ ਦਾ ਸਮਾਗਮ ਕਦੇ -
ਕਦੇ ਇੱਕ ਦਿਨ ਦਾ ਹੀ ਹੁੰਦਾ ਹੈ।
ਇਨਾਂ ਸੰਸਥਾਵਾਂ
ਵਿਚ ਗ਼ੈਰ - ਜ਼ਰੂਰੀ ਮੁੱਦੇ ਭਖਾਏ ਜਾਂਦੇ ਹਨ।
ਮਾਈਕ ਅਤੇ ਕੁਰਸੀਆਂ
ਚੁੱਕ ਕੇ ਇਕ - ਦੂਜੇ ਦੇ ਸਿਰਾਂ ਉ¤ਤੇ
ਮਾਰੀਆਂ ਜਾਂਦੀਆਂ ਹਨ।
ਬਹੁਤ ਸਾਰੇ ਆਗੂ
ਅਸੈਂਬਲੀਆਂ ਅਤੇ ਪਾਰਲੀਮੈਂਟ ਵਿਚ ਜਾਂਦੇ ਹੀ ਨਹੀਂ ਅਤੇ ਬਹੁਤੇ ਕੁਰਸੀਆਂ ਉਤੇ
ਬੈਠੇ ਸੌਂਦੇ ਦੇਖੇ ਜਾ ਸਕਦੇ ਹਨ।
ਬੱਜਟ ਪਾਸ ਕਰਨ ਜਾਂ
ਕੋਈ ਹੋਰ ਬਿੱਲ ਪਾਸ ਕਰਨ ਸਮੇਂ ਵਿਰੋਧੀ ਧਿਰ ਜਾਣ ਬੁੱਝ ਕੇ ਕੋਈ ਬਹਾਨਾ ਬਣਾ ਕੇ
ਵਾਕ - ਆਊਟ ਕਰ ਜਾਂਦੀ ਹੈ।
ਬੱਜਟ ਤੇ ਬਿੱਲ
ਬਿਨਾਂ ਬਹਿਸ ਆਸਾਨੀ ਨਾਲ ਪਾਸ ਹੋ ਜਾਂਦੇ ਹਨ,
ਕਿਉਂਕਿ ਕਾਬਜ਼ ਅਤੇ ਵਿਰੋਧੀ
ਧਿਰ ਦੀ ਪਹੁੰਚ ਇੱਕ ਸਮਾਨ ਹੀ ਤਾਂ ਹੁੰਦੀ ਹੈ।
ਇਸ ਤਰ੍ਹਾਂ ਇਹ
ਜਮਹੂਰੀਅਤ ਦਾ ਤਮਾਸ਼ਾ ਦੇਖਣ ਨੂੰ ਮਿਲਦਾ ਹੈ।
ਭਾਰਤੀ ਹਾਕਮਾਂ ਨੂੰ
ਚਾਹੀਦਾ ਹੈ ਕਿ ਦੁਨੀਆ ਵਿਚ ਕਿਤੇ ਵੀ ਅਮਰੀਕੀ ਜ਼ੁਲਮ ਅੱਖਾਂ ਬੰਦ ਕਰ ਕੇ ਤੇ
ਕੰਨਾਂ ਵਿੱਚ ਰੂੰ ਦੇ ਕੇ ਨਾ ਦੇਖਣ,
ਸਗੋਂ ਜ਼ਾਲਮ ਦਾ ਡਟ ਕੇ
ਵਿਰੋਧ ਕਰਨ ਅਤੇ ਮਜ਼ਲੂਮ ਦੇ ਹੱਕ ਵਿੱਚ ਆਵਾਜ਼ ਬੁ¦ਦ
ਕਰਨ।
ਭਾਰਤੀ ਆਵਾਮ ਨੂੰ ਵੀ ਇਸ
ਸੇਧ ਵਿੱਚ ਵਿਆਪਕ ਸੰਘਰਸ਼ ਲਾਮਬੰਦ ਕਰਨਾ ਚਾਹੀਦਾ ਹੈ,
ਕਿਉਂਕਿ ਭਾਰਤ ਦਾ ਸਾਮਰਾਜ -
ਵਿਰੋਧੀ ਇਤਿਹਾਸ ਰਿਹਾ ਹੈ।
ਇਸ ਨੂੰ ਮੁੱਖ ਰੱਖ
ਕੇ ਰੂਸ, ਚੀਨ ਅਤੇ
ਭਾਰਤ ਨੂੰ ਮਿਲ ਕੇ ਅਮਰੀਕੀ ਸਾਮਰਾਜ ਦਾ ਮੂੰਹ ਭੰਨਣਾ ਚਾਹੀਦਾ ਹੈ।
ਮਾਰਕਸ ਦਾ ਇਹ ਕਥਨ
ਸੱਚਾ ਹੈ ਤੇ ਹਮੇਸ਼ਾ ਸੱਚਾ ਰਹੇਗਾ ਕਿ ਜਦੋਂ ਤੱਕ ਸਾਮਰਾਜ ਜਿਊਂਦਾ ਹੈ,
ਜੰਗਾਂ ਅਟੱਲ ਹਨ। |
